Os cadernos de debuxo de Antonio Palacios representan un conxunto documental de valor incalculable. Comprenden un total de dez cadernos, de pequeno formato e diversa datación, repletas na súa maioría de apuntamentos e bosquexos tomados do natural polo arquitecto. Os orixinais destes cadernos atópanse no arquivo documental do Concello do Porriño, lugar de nacemento de Palacios, na provincia de Ponteverda. A serie de debuxos que atesouran permítennos sondar momentos da creatividade do seu autor que anteceden á arquitectura e que tamén se estenden moito máis alá dela.